*जय मांवली माता
shubhSanket Raipur
रिपोर्टर- राजेंद्र कुमार वर्मा देवरी भाटापारा
*जय मांवली माता*
मोर मांवली दाई के दरबार में,
ज्योत जले नवराती २
ज्योत जले नवराती दाई....
ज्योत जले नवराती ....२
मोर मावली दाई के दरबार में,
ज्योत जले नवराती २
तोर डेहरी मा आके दाई ,
दुखिया दुख ला सुनाथे ओ....
फूल पान अउ नरियर धर के,
तोर पॅंवरी म माथ नवाथे ओ
सेऊक सुग्घर जस ला गाथे ,
नव दिन ले संझाती....
मोर मांवली दाई के दरबार में,
ज्योत जले नवराती
अंधरा खोरवा कोढ़ी दाई,
तोर दुवारी मा आथे ओ....
रोवत गावत अपन अरजी ला,
तोर डेहरी मा गोहराथे ओ.
अंधरा के तॅंय आंखी बनथस,
अउ खोरवा के तॅंय लाठी....
मोर मावली दाई के दरबार में,
ज्योत जले नवराती...
तोर महिमा ला सुनके ओ दाई,
मन हा मोर मोहाथे ओ..
दर्शन करे खातिर बर दाई,
ऑंखी हा मोर अकुलाथे ओ..
कोरा मा महूं ला बइठाले दाई,
मोरो जुड़ा जाहि छाती....
मोर मावली दाई के दरबार में,
ज्योत जले नवराती...
*रचनाकार*
*नाम कुश कुमार साहू*
*ग्राम पंचायत मोपर*
*थाना सुहेला*
*जिला बलौदा बाजार भाटापारा* *(छत्तीसगढ़)*
*मोबाइल नंबर 6267678271*
